ကမ္ဘာ့ပတ်ဝန်းကျင် ထိန်းသိမ်းရေးနေ့ (World Environment Day)

ကမ္ဘာ့ပတ်ဝန်းကျင် ထိန်းသိမ်းရေးနေ့ကို နှစ်စဉ်ဇွန်လ(၅)ရက်နေ့တွင် ကမ္ဘာနှင့်အဝှမ်း ပြုလုပ်ကျင်းပလေ့ရှိပါတယ်။ ယခုနှစ်တွင်လည်း ဆော်ဒီအာရေဗီယျ နိုင်ငံမှ အိမ်ရှင်နိုင်ငံအဖြစ်လက်ခံကျင်းပပြီး “Our Land, Our Future” ဟူသောဆောင်ပုဒ် နှင့် အညီ မြေဆီလွှာထိန်းသိမ်းခြင်း၊ မြေယာများပြုပြင်ခြင်းနှင့် သဲကန္တရနှင့်မိုးခေါင်ရေရှားမှု ဖြစ်ပေါ်မူများကို ကာကွယ်ထိန်းသိမ်းခြင်း အရေးကိစ္စများကို ဦးစားပေးဆွေနွေးကြ မည်ဖြစ်ပါသည်။

အမျိုးသားအထိမ်းအမှတ်များဥယျာဉ်(ပြင်ဦးလွင်)အနေဖြင့်လည်း သဘာဝပါတ်ဝန်းကျင်ထိန်းသိမ်းရေးကို ဦးစားပေးလျှက် ဒေသမျိုးရင်းသစ်ပင်များကို စိုက်ပျိုးခြင်း၊ Organic Farm များတည်ထောင်ထားရှိခြင်း အစရှိသော ရေရှည်တည်တံ့သောသဘာဝပါတ်ဝန်းကျင်ဖြစ်ပေါ်လာရေး အတွက် တဖက်တလမ်းမှဆောင်ရွက်လျှက် ရှိသည်များကို အမျိုးသားအထိမ်းအမှတ်များဥယျာဉ်(ပြင်ဦးလွင်)သို့လာရောက်လည်ပါတ် အပန်းဖြေရင်း လေ့လာနိုင်ဖို့ဖိတ်ခေါ်ပါစေရှင်။